اشعار بسیار زیبا به زبان آذری

مشکلدیم ای خسرو خوبان  مدد  ایله
ای پاک آدی دردلره درمان  مدد  ایله

گلمور قلمیم یازماقا چون شانوه چاتماز
حسنون ایلیوب عالمی حیران مدد  ایله

دریای غمون ساحلینه کیمسه چاتانماز
دونیانی دوتوب ظلمت و طوفان  مدد ایله

گلدسته لرون نور سپور عرشیله فرشه
عالم سنه محتاجیدی  هران  مدد ایله


ای رحم ایلین اهوییه صیادین الینده
گلمیش  قاپوا  بنده نالان  مدد  ایله

سن سن ره حقون اقاجان شرط و شروطی
سنسن ایلین مشگلی  اسان مدد ایله

عالم دولانور باشیوه آیا نه غریب سن
سنسن هامی عاشقلره سلطان   مدد ایله

هرگون منه قسمت اولا ایکاش وصالون
تا جان ایلیم عشقوه قربان مدد ایله

هر چند کی لایق دگولم  عشقوه مولا
سن اوز کرموندن ایله احسان  مدد ایله

اشعار ترکی بسیار زیبا